Related Posts
Category : General
શું બંધ થઇ જશે Akasa Air?.. 43 પાયલટોએ આપી દીધા છે રાજીનામાં
સ્વર્ગસ્થ રોકાણકાર અને શેરબજારના બિગ બુલ તરીકે ઓળખાતા રાકેશ ઝુનઝુનવાલાએ રોકાણ કરેલી એરલાઈન્સ અકાસા એરલાઈન્સ પર કટોકટી વધુ ઘેરી બની છે. ખાનગી ક્ષેત્રની આ ઉડ્ડયન કંપનીના 43 પાઈલટોએ અચાનક રાજીનામું આપી દીધું છે અને એરલાઈન્સે પોતે આ માહિતી દિલ્હી હાઈકોર્ટને આપી છે. આ પાઈલટોના રાજીનામાને કારણે કંપની મુશ્કેલીમાં છે અને બંધ પણ થઈ શકે છે!
અકાસા એરલાઇન્સનો પક્ષ રજૂ કરતી વખતે વકીલે દલીલ કરી હતી કે કંપનીમાંથી અચાનક રાજીનામું આપનારા પાઇલોટમાંથી પ્રથમ અધિકારી કે કેપ્ટનમાંથી કોઇએ નોટિસ પિરિયડનું પાલન કર્યું નથી. આ પોસ્ટ્સ માટે નોટિસનો સમયગાળો અનુક્રમે 6 મહિના અને એક વર્ષનો હતો. પાઇલટ્સના અચાનક જવાને કારણે, એરલાઇન્સને સપ્ટેમ્બરમાં દરરોજ લગભગ 24 ફ્લાઇટ્સ કેન્સલ કરવી પડી છે અને તેના કારણે કંપનીને મોટું નુકસાન થઈ રહ્યું છે.
એરલાઇન કંપની દ્વારા કહેવામાં આવ્યું હતું કે અમે ઓગસ્ટમાં લગભગ 600 ફ્લાઇટ્સ કેન્સલ કરી છે અને જો પાઇલોટ્સ આ રીતે એરલાઇન્સ છોડવાનું ચાલુ રાખશે તો સપ્ટેમ્બરમાં પણ 600 થી 700 ફ્લાઇટ્સ કેન્સલ કરવી પડી શકે છે. નોંધનીય છે કે અકાસા એર વિવિધ હવાઈ માર્ગો પર દરરોજ લગભગ 120 ફ્લાઈટ્સનું સંચાલન કરે છે. વકીલ દ્વારા એવી દલીલ કરવામાં આવી હતી કે કોઈ પણ પાઈલટ અચાનક કંપની છોડી દે તો તેના સ્થાને તાત્કાલિક તૈનાત કરવી મુશ્કેલ છે.
અકાસા એર પર ચાલી રહેલી કટોકટી વચ્ચે, એરલાઇનના સીઇઓ વિનય દુબેએ બુધવારે જણાવ્યું હતું કે જ્યારે પાઇલટ્સના નાના જૂથે તેમની ફરજો છોડી દીધી હતી અને તેમની ફરજિયાત સૂચના અવધિ પૂર્ણ કર્યા વિના નીકળી ગયા હતા, ત્યારે જુલાઈ અને સપ્ટેમ્બર વચ્ચે ફ્લાઇટ્સમાં વિક્ષેપ પડ્યો હતો, જેના કારણે અમે છેલ્લી ઘડીએ ફ્લાઈટ્સ કેન્સલ કરવી પડી.
Load more
